2014 წლის 8 აპრილს, საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა ნინო მოდრეკილაძის პირველი პოეტური კრებულის - „სულის ქარვები“ წარდგინება. საღამოს უძღვებოდა პოეტი და საზოგადო მოღვაწე ერეკლე საღლიანი.
პოეტის შემოქმედებისა და წიგნის შესახებ ისაუბრეს: დეკანოზმა თავმას ჩოხელმა, გიული ჩქარეულმა, ტრისტან მახაურმა, ქეთი კანდელაკმა, ნათია სუხაშვილმა, ლია მენაბდიშვილმა, ვახტანგ გაჩეჩილაძემ და სხვ. პოეტმა ლექსები წაიკითხა თავისი ახალი წიგნიდან.
ღონისძებას ესწრებოდნენ: პოეტები, ლიტერატურათმცოდნეები, პედაგოგები.
ღონისძიება მუსიკალურად გააფორმა დებმა ზვიადაურებმა. მათ შეასრულეს, თავად, ნინო მოდრეკილაძის ლექსზე შექმნილი სიმღერა.
პოეტის პირველი წიგნი - „სულის ქარვები“ დაიბეჭდა გამომცემლობა „კალმოსანში“. რედაქტორი: გიული ჩქარეული; მხატვარი ბესიკ დუღაშვილი;
ავტორი კრებულს უძღვნის მეგობრის, ნინო ფალიანის ხსოვნას.