2013 წლის 24 აპრილს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში საქველმოქმედო ფონდ „იმედის ხელის“ ორგანიზებით გაიმართა ახალგაზრდა პოეტის ლიზი ბუდაღაშვილის სადებიუტო წიგნის „ფიქრობანას თამაში“-ს წარდგინება და ნახატების გამოფენა. ახალგაზრდა პოეტმა და მისმა მეგობრებმა ახალი კრებულიდან ლექსები წაიკითხეს. პოეტმა თავისი გაყიდული კრებულიდან შემოსული თანხა საქველმოქმედო ფონდში გადარიცხა. ფონდი „იმედის ხელი“ დაფუძნდა 2010 წლის 9 თებერვალს. ფონდს ხელმძღვანელობს დავით დურგლიშვილი. ფონდი ეხმარება მძიმე სნეულებებით დააავადებულ ბავშვებს, მოზარდებს და ახალგაზრდებს. ღონისძიება ფონდ „იმედი ხელის“ წევრის ქეთევან თუთბერიძისა და საპატრიარქოს ახალგაზრდული ცენტრის ორგანიზებით გაიმართა.