3 მარტს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა გაბრიელ ჯაბუშანურის ხსოვნისადმი მიძღვნილი პოეზიის საღამო.
საღამოს უძღვებოდა დეკანოზი პეტრე კვარაცხელია. მამაომ დალოცა სტუმრები და მწერლის შემოქმედებაზე ისაუბრა.
საღამოზე მონაწილეობდნენ: ტარიელ ხარხელაური, გელა დაიაური, მირანდა მაისურაძე, დები ზვიადაურები, დები ნაყეურები.
ღონისძიება საპატრიარქოს ახალგაზრდული ცენტრის ორგანიზებით გაიმართა.
