17 ივნისს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა ვაჟთა და გოგონათა ანსამბლ „ფერხისას“ საქველმოქმედო სოლო-კონცერტი.
საღამოზე ქართული ხალხური სიმღერები და საეკლესიო საგალობლები შესრულდა.
ღონისძიებიდან შემოსული თანხა ბედიანის მზრუნველობა მოკლებულ ბავშვთა სახლს გადაეცემა.
ბავშვთა ანსამბლი „ფერხისა“ 2008 წელს შეიქმნა. ხელმძღვანელობს ნათია დათუაშვილი.
ღონისძიება ანსამბლ „ფერხისას“ ხელმძღვანელის ნათია დათუაშვილისა და საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის ორგანიზებით გაიმართა.
