1 ივლისს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა სახალხო მხატვრის, აკადემიკოს მ. თოიძის სახ. ხელოვნების სტუდიის მოსწავლეთა საქველმოქმედო გამოფენა - გაყიდვა.
გამოიფინა ბავშვების ხელნაკეთი ნივთები, ნაქარგები, დეკორატიული აქსესუარები და ფერწერაში შესრულებული ნახატები.
აქციიდან შემოსული თანხა გადაერიცხება მახათას მთაზე მშენებარე ივერიის ღვთისმშობლის სახ. ტაძრის ფონდს.
ღონისძიება მ. თოიძის სახ. ხელოვნების სტუდიის ხელმძღვანელის _ ნ. ფირცხალავასა და საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის ორგანიზებით გაიმართა.
