15 ივნისს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა პოეტ ვასილ გვეტაძის 90 წლის იუბილესადმი მიძღვნილი საღამო.
Pპოეტი აკაკი წერეთლის პრემიის ლაურეატი და ღირსების ორდენის კავალერია, სხვადასხვა დროს მუშაობდა გამომცემლობა “ნაკადულის” უფროს რედაქტორად, ჟურნალ “დროშის” ლიტერატურისა და ხელოვნების განყოფილების გამგედ და ჟურნალ “საქართველოს” სოფლის მეურნეობის რედაქტორის მოადგილედ.
საღამოზე მწერლებმა პოეტის შემოქმედებით მოღვაწეობაზე ისაუბრეს.
ღონისძიება საქართველოს მწერალთა კავშირისა და საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის ორგანიზებით გაიმართა.
