24 მაისს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა თბილისის #175-ე საჯარო სკოლის პირველი კლასის მოსწავლეების ღონისძიება. მოეწყო ბავშვების ხელნაკეთი და ელექტრონული წიგნების _ “საგზალი უკვდავებამდე” წარდგინება და ქართული ხალხური ზღაპრის მიხედვით შექმნილი ანიმაციური ფილმის _ "მიწა თავისას მოითხოვს" ჩვენება.
გამოიფინა ზღაპრის თემაზე შექმნილი ნახატები და ნაძერწები.
საღამოს ესწრებოდნენ: 175-ე საჯარო სკოლის დირექტორი თინათინ ალავიძე, პედაგოგები, მშობლები, მოსწავლეები და მოწვეული სტუმრები.
ღონისძიება 175-ე საჯარო სკოლის პედაგოგის ნანა თედორაიას და საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის ორგანიზებით გაიმართა.