29 იანვარს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა ელფის გამომცემლობის ორი ახალი წიგნის _ საბავშვო მოთხრობების კრებულის "ჩემი პირველი ქრესტომათია" და ახალგაზრდა პოეტის, გვანცა ჯობავას პირველი საბავშვო წიგნის _ "5 ბავშვი 5 თბილისი"-ის წარდგინება. წიგნში "ჩემი პირველი ქრესტომათია" შესულია ქართული და უცხოური საბავშვო ლიტერატურის კლასიკოსების _ ქეთევან ჭილაშვილის, ნინო ბეზარაშვილის, დოდო ხიმშიაშვილი - ვადაჭკორიას, კობა იმედაშვილის, რევაზ ინანიშვილის, ლეო ქიაჩელის, ლევ ტოლსტოის, ოსკარ უაილდის, ძმები გრიმების და სხვა უხუცესი ავტორების რჩეული ნაწარმოებები და ხალხური ზეპირსიტყვიერების ნიმუშები. ახალგაზრდა პოეტის, გვანცა ჯობავას წიგნი _ "5 ბავშვი და 5 თბილისი" _ პატარა ემინგრანტი ნიკუშას თავგადასავალზე მოგვითხრობს. საღამოზე გრიგოლ ხანძთელის სახელობის მართლმადიდებლური საშუალო სკოლის მოსწავლეებმა გვანცა ჯობავას ზღაპრის _"5 ბავშვი და 5 თბილისი" - ს გმირები გააცოცხლეს.