საქველმოქმედო საღამო 10 წლის გიორგი ჯიშკარიანის დასახმარებლად

მხატვარ ელენე ფიფიას პერსონალური გამოფენა

---

2013 წლის 5 ივნისს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში  გაიხსნა ელენე ფიფიას პერსონალური გამოფენა, რომელიც 10 ივნისამდე გაგრძელდება. 
გამოფენაზე წარმოდგენილია ფერწერაში, ნაჭრებითა და ძაფებით შესრულებული  60-მდე ნამუშევარი. 
ელენე ფიფია დაიბადა 1972 წლის 11 დეკემბერს ქ.თბილისში. 1989 წელს დაამთავრა N 11 საშუალო სკოლა ქ.ზუგდიდში. 1991 წელს ჩააბარა ქალაქ თბილისის აპოლონ ქუთათელაძის სახელობის სამხატვრო აკადემიაში, სახვითი ხელოვნების ფაკულტეტზე, ფერწერის განხრით, რომელიც დაამთავრა 1996 წელს. 1991-1997 წლებში მუშაობდა ხელების ჩრდილების თეატრ „ბუდრუგანაში“ მსახიობად, გელა კანდელაკის ხელმძღვანელობით. მონაწილეობდა სხვადასხვა გამოფენებში, მათ შორის: 1996 წელს სრულიად საქართველოს კათოლიკოს- პატრიარქის ილია II-ის ინტრონიზაციასთან დაკავშირებულ გამოფენაში (ცისფერი გალერეა). 2003 წელს გამართა პერსონალური გამოფენა გალერეა შარდენში. ჰქონდა 5 პერსონალური გამოფენა ზუგდიდში. მუშაობს სხვადასხვა ტექნიკით სხვადასხვა ჟანრში, თემატიკა მრავალფეროვანია.