2015 წლის 23 სექტემბერს პედაგოგთა საქველმოქმედო ფონდ „ამაგდარის“ ორგანიზებით, საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა საქველმოქმედო საღამო - „პოეტები პედაგოგებს“, რომლის მიზანი იყო მძიმე სენით დაავადებულ პედაგოგთა დახმარება. საღამოზე სიტყვით გამოვიდნენ და საკუთარი ლექსები წაიკითხეს პოეტებმა: ბადრი სულაძემ, მარიკა ორჯონიკიძემ, ერეკლე საღლიანმა, ზაზა ნეფარიძემ, ჯუბა ღებელმა, ლევან ფანჩვიძემ, დათო არახამიამ, გივი ჩიღვინაძემ, ციური მესხიშვილმა, ეკა გაბსიანმა. პედაგოგების სახელით მოწვეულ სტუმრებს მადლობა გადაუხადა ფონდის ხელმძღვანელმა, რუსუდან გოგბერაშვილმა.
