11 ნოემბერს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრში მოეწყო დალი ფანჯიკიძის _ მთარგმნელის, თარგმნის თეორეტიკოსის, თბილისის სახ. უნივერსიტეტის პროფესორის, ივანე მაჩაბლის პრემიის ლაურეატის _ შემოქმედებითი საღამო.

ქალბატონი დალი თარგმანებს აქვეყნებს მე-20 საუკუნის 60-იანი წლებიდან.

თარგმნილი აქვს თომას მანის, მაქს ფრიშის და იოჰან ვოლფგანგ გოეთეს რომანები; ჰერმან ჰესეს მცირე პროზა; რაინერ მარია რიკლეს წერილები; ინგებორგ ბახმანის და სხვა ავსტრიელი მწერლების მოთხრობები.

2006 წლიდან ქალბატონმა დალიმ ლექსების თარგმნაც დაიწყო.

წელს გამოიცა დალი ფანჯიკიძის ახალი თარგმანები _ გრიგოლ რობაქიძის "პიტლერი უცხოელი მწერლის თვალით" და თომას მანის "ავანტიურისტ ფელიქს კრულის აღსარება".