2019 წლის 7-8 მაისს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრში გაიმართა სასკოლო-პრაქტიკული კონფერენცია - „რწმენა ჩვენს ცხოვრებაში“.
წლევანდელ კონფერენციაზე თემები წარმოადგინა 120 მოსწავლემ. ფინალურ ეტაპზე გადავიდა 70 მოსწავლე.
ორივე დღეს, კონფერენციაში მონაწილეობდა საქართველოში არსებული სხვადასხვა სკოლის 63 მოსწავლე. მათ, საპატრიარქოს ახალგაზრდული ცენტრისგან გადაეცა სიგელები. წარმოდგენილი თემებიდან საუკეთესოები გამოიცემა წიგნის სახით.
კონფერენცია ყოველწლიურად იმართება სრულიად საქართველოს კათოლიკოს-პატრიარქის, უწმიდესისა და უნეტარესის ილია მეორის ლოცვა-კურთხევით და, მასში მონაწილეობენ სკოლის ასაკის მოსწავლეები საქართველოს სხვადასხვა კუთხიდან.
