2014 წლის 15 ნოემბერს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიმართა საქველმოქმედო პოეზიის საღამო გუდამაყრის სკოლის მოსწავლეების დასახმარებლად.
საღამოზე მონაწილეობდნენ პოეტები: ტარიელ ხარხელაური, მარიამ წიკლაური, თავმას ჩოხელი, ფოლკლორული ანსამბლები და საზოგადოების წარმომადგენლები. ღონისძიებაზე გუდამაყრის სკოლის მოსწავლეებმა და მსახიობებმა წაიკითხეს გოდერძი ჩოხელის და მამუკა წიკლაურის ლექსები. შეგროვდა წიგნები სასკოლო ბიბლიოთეკისათვის, რვეულები, საწერი კალმები და სხვა საკანცელარიო ნივთები გუდამაყრის სკოლის მოსწავლეებისათვის.
