29 დეკემბერს საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში გაიხსნა თბილისის მერიის ს. ვირსალაძის სახელობის, #1 სამხატვრო ხელოვნების სკოლის მოსწავლეთა წინასაშობაო ნამუშევრების გამოფენა, ასევე გაიმართა შემოქმედებითი საღამო.
საღამოზე ბავშვებმა წაიკითხეს პატრიოტულ თემაზე დაწერილი ლექსები. ანსამბლმა "ინანა"-მ შეასრულა ხალხური სიმღერები, ნანინები და საგალობლები.
ღონისძიებას დაესწრო თიანეთისა და ფშავ-ხევსურეთის მიტროპოლიტი თადეოზი (იორამშვილი). საღამოს ბოლოს, მეუფემ, დალოცა სკოლის ხელმძღვანელობა, აღსაზრდელები და მშობლები.
სკოლის ხელმძღვანელობამ ბავშვებს საჩუქრად სიგელები და ხატები გადასცა.